Missæ propriæ
ad usum Ecclesiarum
totius
INSULÆ SARDINIÆ
Juxta Decretum S. Rituum Congre-
gationis diei 15 Maji 1914, et
alia successiva Decreta ordinatæ
FESTA NOVEMBRIS
Die 27 Novembris
SS.PLURIMORUM MARTYRUM
CALARITANORUM
Missa Sapiéntiam, de Communi plurimorum Martyrum 2°loco, præter Ordinem sequentem:
Deus, qui nos ànnua sanctòrum Màrtyrum tuòrum Calaritanòrum solemnitàte lætificas: concède propìtius; ut quorum gaudèmus mèritis, accedàmur exèmplis.Per Dòminum nostrum...
Mùnera tibi, Dòmine, nostræ devotiònis offèrimus: quæ et pro tuòrum tibi grata sint honòre justòrum, et nobis salutària, te miserànte, reddàntur. Per Dòminum.
Præsta nobis, quæsumus, Dòmine: intercedèntibus sanctis Martyribus tuis Calaritànis; ut, quod ore contìgimus, pura mente capiàmus. Per Dominum...
In Ecclesia tantum Primatiali Calaritana Missa Intret, de Communi plurimorum Martyrum 1°loco, cum Orationibus ut infra:
Præsta, quæsumus, omnìpotens Deus: ut qui gloriòsos Màrtyres fortes in sua confessìone cognòvimus, pios apud te in nostra intercessìone sentiàmus. Per Dòminum...
Benedìctio tua, Dòmine, larga descèndat:
quæ mùnera nostra, deprecàntibus sanctis Martyribus tuis, tibi reddat accèpta, et nobis sacramentum redemptiònis effìciat. Per Dòminum...
Cælèstibus refècti sacramèntis et gàudiis, sùpplices te, Dòmine, deèrecàmur: ut quorum gloriàmur triùmphis, protegàmur auxìliis. Per Dòminum...
Die 29 Novembris
In Archidiœcesi Calaritana
IN OCTAVA S. CÆCILIÆ
Virg. Mart.
Missa Loquèbar, ut in Missali in die festo. Et fit Commemoratio Feriæ in Adventu, Vigiliæ S. Andreæ Ap., et S. Saturnini Mart., ut in Missali. Legitur ultimum Evangelium Vigiliæ.
FESTA DECEMBRIS
Die 6 Decembris
S.NICOLAI Ep. et Conf.
Titularis Eccl. Primatialis Turritanæ
Introitus Isai. 58, 10 et 11
Cum effùnderis esuriènti ànimam tuam, oriètur sicut merìdies lux tua, et ossa tua Dòminus liberàbit, erìsque sicut hortus irrìguus et sicut fons, cujus non defìciunt aquæ. Ibid. 12, 5. Cantàte Dòmino quòniam magnìfice fecit; annuntiàte hoc in univèrsa terra. V. Glòria Patri. Cum effùnderis.
Deus, qui beatìssimum Nicolàum gloriòsum Confessòrem tuum atque Pontìficem, innùmeris decoràsti, et quotìdie non cessas decoràre miràculis: trìbue, quæsumus; ut ejus mèritis et prècibus a gehènnæ incèndiis et perìculis òmnibus liberèmur. Per Dòminum...
Et fit Commemoratio Feriæ
Lectio Isaìæ Prophètæ
Isai. 49, 3 et 8-13
Graduale. Isai. 22, 20 et 21. Vocàbo servum meum, et confortàbo eum; et potestàtem dabo in manu ejus, et erit quasi pater pòpulo suo.
V.Quia factus est fortitùdo pàuperi, fortitùdo egèno in tribulatiòne sua
Allelùja, alleluja. V. Ibid., 11, 10.
Stat in signum populòrum, ipsum gentes deprecabùntur, et erit sepùlcrum ejus gloriòsum. Allelùja.
Post Septuagesimam, omissis Allelùja et Versu sequenti, dicitur
Tractus. Math. 6, 3-4. Te faciènte eleemòsynam nèsciat sinìstra tua quid fàciat dèxtera tua:ut sit eleemòsyna tua in abscòndito, et pater tuus, qui videt in abscòndito, reddettibi. V. Tob. 12, 8-9.Bona est oràtio cum jejùnio et eleemosyna magis quam auri thesàuros recòndere.
V. Quòniam eleemòsyna a morte lìberat, et facit invenìre misericòrdiam et vitam ætèrnam.
Tempore Paschali omittitur Graduale, et ejus loco dicitur:
Allelùja, allelùja. V. Ps. 34, 9-10.
Anima mea exultàbit in Dòmino, et delectàbitur super salutàri suo: òmnia ossa mea dicent: Dòmine, quis sìmilis tibi. Allelùja. V. Philipp. 1, 20.Magnificàbitur Christus in còrpore meo sive per vitam, sive per mortem. Allelùja.
† Sequèntia sancti Evangèlii secùndum Matthæum 10, 5-10
In illo tèmpore: Misit Jesus duòdecim discìpulos suos, præc’piens eis, dicens: In viam Gèntium ne abièritis et in civitàtes Samaritanòrum ne intravèritis, sed pòtius ite ad oves, quæ perièrunt domus Israël. Eùntes autem prædicàte, dicentes: Quia appropinquàvit regnum cælòrum. Infìrmos curàte, mòrtuos suscitàte, lepròsos mundàte. Dæmones ejìcite: gratis accepìstis, gratis date. Nolìte possidère aurum, neque argèntum, neque pecùniam in zonis vestris:non peram in via, neque duas tùnicas, neque calceamènta, neque virgam: dignus enim est operàrius cibo suo.
In tota Archidiœcesi Turritana dicitur Credo per totam Octavam
Offertorium. Ps. 117, 16-17.Dèxtera Dòmini fecit virtùtem, dextèra Dòmini exaltàvit me, dextèra Dòmini fecit virtùtem: non mòriar, sed vivam et narràbo òpera Dòmini.
Multiplicàtis circa nos miseratiònibus tuis gràtias àgimus, Dòmine, humìliter deprecàntes, ut, sicut beatìssimum Nicolàum virtùtum et miraculòrum glòria sublimàsti, ita bonòrum òperum testimònio nos prælucère concèdas. Per Dòminum nostrum...
Et fit Commemoratio Feriæ
In Archidiœcesi Turritana Præfatio propria, ut infra. Et dicitur per Octavam, etiam in Festis infra eam occurentibus, quæ Præfationem propriam non habeant.
Communio. Hebr. 12, 17-18. Misèricors factus est et fidèlis Pòntifex ad Deum, ut repropitiàrent delìcta pòpuli, potens est et eis qui tentàntur auxiliàri.
Deus, qui beàtum Nicolàum spìritus scièntia illustràtum caritàtis incèndio æstuàre fecìsti: da nobis, ipsìus intercessiòne, eàmdem fìdei et caritàtis virtùtem; ut, temporàlia despicièntes, ad cælèstia tota mentis intentiòne festinèmus. Per Dòminum...
Et fit Commemoratio Feriæ
Per òmnia sæcula sæculòrum,
R. Amen
V. Dòminus vobìscum
R. Et cum spìritu tuo
V. Sursum corda
R. Habèmus ad Dòminum.
V. Gràtia agàmus Dòmino Deo nostro
R. Dignum et justum est
Vere dignum et justum est, æquum et salutàre, nos tibi semper, et ubìque gràtias àgere: Dòmine sancte, Pater ominìpotens, ætèrne Deus: Qui beatìssimum Nicolàum, caritàtis tuæ dulcèdine delibùtum, bonòrum òperum incremèntis, multìsque virtùtum donis exornàsti: eùmque Ecclèsiæ tuæ àdeo strènuum fìdei assertòrem dedìsti, ut quam verbo et òpere dòcuit, signis in univèrso mundo probàvit, ab hærètica pravitàte in tormèntis quoque defèndit, miraculòrum còpia confirmàre non dèsinat. Et ìdeo magnificèntiam tuam in hujus sancti Pontifìcis glorificatiòne exsultàntibus ànimis collaudàmus: sed et supèrnæ Virtùtes atque angèlicæ Potestàtes hymnum majestàti tuæ còncinunt sine fine dicèntes:
Sanctus, Sanctus, Sanctus Dóminus Deus Sábaoth. Pleni sunt coéli et terra glória tua.
Hosánna in excélsis.Benedíctus qui venit in nómine Dómini. Hosánna in excélsis.
Die 8 Decembris
In Diœcesibus Algaren., Bosanen. et Othieren.
IN CONCEPT. IMMACULATA
B. MARIÆ VIRG.
Titularis Ecclesiæ Cathedralis
Die 10 Decembris
IN TRASLATIONE ALMÆ
DOMUS B.M.V.
Missa Terrìbilis, ut inter Festa aliquibus locis.
Et fit Commemoratio Feriæ
¶ Si hæc Missa dicatur Feria IV Quatuor Temporum Adventus, in fine legitur Evangelium S.Joannis In Principio
Die 13 Decembris
In Archidiœcesi Turritana
IN OCTAVA S. NICOLAI
Ep. et Conf.
Missa ut in Festo. Et fit Commemoratio S. Luciæ Virg. Et Mart., ut in Missali hac die; deinde Octavæ Coceptionis Immaculatæ B. M. V. Et Feriæ
Die 16 Decembris
IN CONSECRATIONE
S. EUSEBII IN EPISCOPUM
Stàtuit ei Dòminus testamèntum pacis, et prìncipem fecit eum, ut sit illi sacerdòtii dìgnitas in ætèrnum. Ps. 131, 1 Memènto, Dòmine, David, et omnis mansuetùdinis ejus. V. Glòria Patri. Stàtuit
Sancti Eusèbii Confessòris tui atque Pontìficis ànnua festa Consecratiònis recolèntes: quæsumus, Dòmine; ut quæ tuòrum nobis sunt instrumènta præsentium, fiant æternòrum patrocìnia gaudiòrum. Per Dominum...
Et fit Commemoratio Feriæ
Lèctio libri Sapièntiæ
Sap. 10, 10-14
Graduale. Eccli. 44,17. Ecce sacèrdos magnus, qui in dièbus suis plàcuit Deo. V. Ibid., 20. Non est invèntus sìmilis illi, qui conservàret legem Excèlsi.
Allelùja, allelùja. V. Tu es sacèrdos in ætèrnum, secùndum òrdinem Melchìsedech. Allelùja
† Sequèntia sancti Evangèlii secùndum Joànnem 10, 11-16
In illo tèmpore: Dixit Jesus Pharisæis: Ego sum pastor bonus. Bonus pastor ànimma suam dat proòvibus suis. Mercenàrius autem, et qui non est pastor, cujus non sunt oves pròpriæ, videt lupum venièntem, et dimìttit oves, et fugit, et lupus dispèrgit oves: mercenàrius autem fugit quia mercenàrius est, et non pèrtinet ad eum de òvibus. Ego sum pastor bonus, et cognòsco oves meas, et cognòscunt me mæ. Sicut novit me Pater, et ego agnòsco Patrem; et ànimam meam pono pro òvibus meis. Et àlias oves hàbeo, quæ non sunt ex hoc ovìli: et illas opòrtet me addùcere, et vocem meam àudient: et fiet unum ovìle, et unus pastor.
Offertorium. Ps. 88,21-22. Invèni David servum meum:òleo sancto meo unxi eum:manus enim mea auxiliàbitur ei, et bràchium meum confortàbit eum
Sùscipe, Dòmine, mùnera propìtius oblàta, quæ majestàti tuæ beàtus Eusèbius Confèssor tuus et Pòntifex commèndet. Per Dòminum nostrum...
Et fit Commemoratio Feriæ
Communio. Luc. 12,42.Fidèlis servus et prudens, quem constìtuit Dòminus super famìliam suam; ut det illis tèmpore trìtici mensùram
Præsta, quæsumus, omnìpotens Deus: ut qui cælèstia alimènta percèpimus, intercedènte beàto Eusèbio Confessòre tuo atque Pontìfice, per hæc contra òmnia advèrsa muniàmur. Per Dòminum...
Et fit Commemoratio Feriæ
FESTA JANUARII
Die 2 Januarii
S. FULGENTII Ep. et Conf.
Diei 15 Januarii
IN FESTO S. EPHYSII
Martyris Calaritani
Totius Calaritanæ Provinciæ
Patroni Principalis
Introitus. Ps. 16,4
Probàsti, Dòmine, cor meum, et visitàsti nocte: igne me examinàsti, et non est invènta in me inìquitas. Ps. Ibid., 1. Exàudi, Dòmine, justìtiam meam: intènde deprecatiònem meam. V. Gloria Patri. Probàsti.
Dòmine Jesu Christe, qui signo crucis tuæ beàtum Màrtyrem Ephýsium fìdei præcònem ad convertèndas infidèlium gentes cælitus vocàre dignàtus es: præsta, quæsumus; ut quem fìdei propagatòrem habùimus in terris, intercessòrem gloriòsum habère mereàmur in cælis: Qui vivis...
Et fit Commemoratio S. Pauli primi Eremitæ Conf. et S. Mauri Abb., ut in Missali hac die.
In Provinciæ Calaritanæ Diœcesibus fit, in Missis privatis tantum, Commemoratio S. Pauli primi Eremitæ Conf. de S. Mauro Abb., nihil fit.
Lèctio Epìstolæ beàti Pauli Apòstoli ad Corìnthios I, 1, 18-24
Graduale. Exodi 15, 11. Gloriòsus Deus in Sanctis suis, miràbilis in majestàte, fàciens prodìgia. V. Ibid., 6 Dèxtera tua, Dòmine, glorificàta est in virtùte: dèxtera manus tua confrègit inimìcos.
Allelùja, allelùja. Ps. 111,1. Beàtus vir qui timet Dòminum: in mandàtis ejus cupit nimis. Allelùja.
† Sequèntia sancti Evangèlii secùndum Matthæum 10, 34-39
In illo tèmpore: Dixit Jusus discìpulis suis: Nolìte arbitràri quia pacem vènerim mìttere in terram: non veni pacem mìttere, sed glàdium. Veni enim separàre hòminem advèrsus patrem suum, et fìliam advèrsus matrem suam, et nurum advèrsus socrum suam: et inimìci hòminis, domèstici ejus. Qui amat patrem, aut matrem plus quam me, non est me dignus: et qui amat fìlium aut fìliam super me, non est me dignus. Et qui non àccipit crucem suam, et sèquitur me, non est me dignus. Qui invènit ànimam suam perdet illam, et qui perdìdi ànimam suam propter me, invèniet eam.
In tota Provincia Calaritana dicitur Credo per tota Octavam
Offertorium. Ps. 117, 16-17. Dèxtera Dòmini fecit virtùtem; dèxtera Dòmini exaltàvit me; non mòriar sed vivam, et narràbo òpera Dòmini
Sancti Ephýsii Màrtyris tui prècibus hæc oblàtio, Dòmine, ad perpètuam ac præsèntem nobis profìciat prosperitàtem et pacem. Per Dòminum...
Et fit Commemoratio S. Pauli et S. Mauri, ut supra.
Communio. Ps. 20,4Posuìsti, Dòmine, in càpite ejus corònam de làpide pretiòso.
Refècti partecipatiòne mùneris sacri, qu
sumus, Dòmine, ut cujus exsèquimur cultum, intercedènte beàto Ephýsio Màrtyre tuo, sentiàmus efèctum. Per Dominum...
Et fit Commemoratio S. Pauli et S. Mauri, ut supra.
Die 17 Januarii
In Diœcesis Ampurien.
S. ANTONII Abbatis
Patroni Principalis Diœcesis
et Titularis Ecclesiæ Cathedralis
Missa ut in Missali eadem die, et dicitur Credo per totam Octavam
Die 19 Januarii
S. POTITI Mart. Sard.
Missa In virtùte tua, de Communi unius Martyris 3°loco, præter Orationem sequentem:
Deus, qui nos beàti Màrtyris tui Potìti ànnua celebritàte lætìficas: concède propìtius; ut de cujus triumphàli agòne lætàmur in terris, ad ejus glòriæ consòrtium pervenìre felìciter mereàmur in cælis. Per Dòminum...
Et fit Commemoratio Ss. Marii et Sociorum Mm., et S. Canuti Reg., Mart., ut in Missali hac die
Secreta C
Munèribus nostris, quæsumus, Dòmine, precibùsque suscèptis: et cælèstibus nos munda mystèriis, et clemènter exàudi. Per Dòminum...
Postcommunio C
Da, quæsumus, Dòmine Deus noster: ut sicut tuòrum commemoratiòne sanctòrum temporàli gratulàmur offìcio; ita perpètuo lætèmur aspéctu. Per Dòminum...
Die 20 Januarii
In Diœcesis Bosanen.
Ss. SEBASTIANI Patroni Minoris,
et FABIANI Mm.
Missa Intret, ut in Missali hac die, cum Orationibus ut infra:
Infirmitàtem nostram réspice, omnìpotens Deus, et quia pondus pròpriæ actiònis gravat, beatòrum Màrtyrum tuòrum Sebastìani et Fabiàni intercèssio gloriòsa nos pròtegat. Per Dòminum...
Hòstias tibi, Dòmine, beatòrum Màrtyrum tuòrum Sebastiàni et Fabiàni dicàtas méritis, benìgnus assùme: et ad perpétuum nobis trìbue provenìre subsìdium. Per Dòminum...
Refécti partecipatiòne mùneris sacri, quæsumus, Dòmine, Deus noster: ut cujus exsèquimur cultum, intercedèntibus sanctis Martýribus tuis Sebastiàno et Fabiàno, sentiàmus effèctum. Per Dòminum...
Die 22 Januarii
In Diœcesibus Provinciæ Calaritanæ
IN OCTAVA S. EPHYSII Mart.
Missa ut in Festo. Et fit Commemoratio Ss. Vincentii et Snastasii Mm., ut in Missali hac die.
Die 24 Januarii
In Diœcesis Ampurien.
IN OCTAVA S. ANTONII
Abbatis
Missa ut in Festo. Et fit Commemoratio S. Timothei Ep. et Mart., ut in Missali hac die.
FESTA FEBRUARII
Die 13 Februarii
Ss. PLURIMORUM MARTYRUM TURRITANORUM
Adésto, Dòmine, supplicatiònibus nostris: ut qui ex iniquitàte nostra reos nos esse cognòscimus; beatòrum Màrtyrum tuòrum Turritanòrum intercessiòne liberémur. Per Dòminum...
Mùnera tibi, Dòmine, nostræ devotiònis offérimus; quæ et pro tuòrum tibi grata sint honòre justòrum, et nobis salutària, te miserànte, reddàntur. Per Dòminum...
Præsta nobis, quæsumus, Dòmine: intercedèntibus sanctis Martýribus tuis Turritànis; ut, quod ore contìngimus, pura mente capiàmus. Per Dòminum...
FESTA MARTII
Prima Feria VI Martii
In Archidiœcesi Calaritana
SACRÆ SPINÆ CORONÆ
D. N. J. C.
Missa Engredìmini, ut in App. Missalis pro al. locis, Feria VI post Cineres
S. SALVATORIS AB HORTA
Confessoris
Missa Justus ut palma, de Communi Confessoris non Pontificis 2° loco præter Orationem sequentem:
Concéde, quæsumus, omnìpotens Deus, ut beàti Salvatoris Confessòris tui memòriam recoléntes: ipsìus intercessiòne, a cunctis malis liberèmur in terris; et ad gàudia sempitérna pervenìre mereàmur in cælis. Per Dominum...
Et fit Commemoratio S. Cyrilli Ep. Hierosol., Conf. et Eccles. Dotc., ut in Missali hac die, deinde Feriæ de qua legitur Evangelium in fine; ac dicitur Credo, juxta Rubricas.
Præsta nobis, quæsumus, omnìpotens Deus: ut nostræ humilitàtis oblàtio, et pro tuòrum tibi grata sit honòre Sanctòrum, et nos còrpore pàriter et mente purìficet. Per Dominum...
Quæsumus, omnìpotens Deus: ut, qui cælestia aliménta percépimus, intercedénte beàto salvatòre Confessòre tuo, per hæc contra òmnia advérsa muniàmur. Per Dòminum nostrum...
FESTA APRILIS
Die 2 Aprilis
In Archidiœcesi Calaritana
S. FRANCISCI DE PAULA
Confessoris
Patroni minus principalis
Missa Justus, ut in Missali hac die
Die 24 Aprilis
IN FESTO B. MARIÆ VIRGINIS DE BONARIA
Totius Insulæ Sardiniæ Patronæ Maximæ
Gaudeàmus omnes in Dòmino, diem festum celebràntes sub honòre beàtæ Marìæ Vìrginis, de cujus solemnitàte gaudent Angeli, et collàudant Fìlium Dei, allelùja, allelùja. Ps. 44, 2. Eructàvit cor meum verbum bonum, dico òpera mea Regi.
V. Glòria Patri. Gaudeàmus...
Oratio
Omnìpotens et miséricors Deus, qui Genetrìcis Fìlii tui Imàginem per maris undas mirabìliter traduxìsti: præsta, quæsumus; ut, ipsìus beàtæ Marìæ Vìrginis patrocìnio e præséntis vitæ flùctibus edùcti, ad portum vitæ ætérnæ pervenìre felìciter mereàmur. Per eùndem Dòminum...
Et, in Missis privatis tantum, fit Commemoratio S. Fidelis a Sigmaringa Mart., ut in Missali hac die.
Léctio libri Sapiéntiæ
Eccli. 21, 7-20
Ego in altìssimi habitàvi, et thronus meus in colùmna nubis. Gyrum cæli circuìvi sola, et profùndum abýssi penetràvi, in flùctibus maris ambulàvi, et in omni pòpulo, et in omni gente primàtum hàbui, et òmnium excelléntium et humìlium corda virtùte calcàvi: et in his òmnibus réquem quæsìvi, et hereditàte Dòmini moràbor. Tunc præcépit et dixit mihi Creàtor òmnium, et qui creàvit me requièvit in tabernàculo meo, et dixit mihi: In Jacob inhàbita, et in Israël hereditàre, et in eléctis meis mitte radìces. Et sic in Sion firmàta sum, et in civitàte sanctificàta simìliter requièvi, et in Jerùsalem potéstas mea. Et radicàvi in pòpulo honorificàto, et in parte Dei mei heréditas illìus, et in plenitùdine sanctòrum deténtio mea. Quasi cedrus exaltàta sum il Lìbano, et quasi cypréssus in monte Sion: quasi palma exaltàta sum in Cades, et quasi plantàtio rosæ in Jéricho. Quasi olìva speciòsa in campis, et quasi plàtanus exaltàta sum juxta aquam in platéis. Sicut cinamòmum et bàlsamum aromatìzans odòrem dedi, quasi myrrha elècta dedi suavitàtem odòris.
Allelùja, allelùja. V. Cant. 4,8. Veni de Lìbano, Sponsa mea, veni: coronàberis de càpite Amana, de vértice Sanir et Hermon, de cubìlibus leònum, de mòntibus pardòrum. Allelùja. V. Luc. 1,28. Ave, Marìa, gràtia plena; Dòminus tecum:benedìcta tu in muliéribus. Allelùja
†Sequéntia sancti Evangélii secùndum Lucam 1, 26-31
Et dicitur Credo per totam Octavam
Offertorium. Hebr. 4,16. Adeàmus cum fidùcia ad thronum gràtiæ, ut misericòrdiam consequàmur et gràtiam inveniàmus in auxìlio opportùno
Sùscipe, Dòmine, mùnera quæ in Genetrìcis Fìlii tui solemnitàte deférimus, cujus nos confìdimus patrocìnio ab òmnium erròrum collùvie liberàri. Per eùmdem Dòminum nostrum...
Et fit Comemoratio S. Fidelis, ut supra. Præfatio de B. M. V. Et te in Solemnitàte. Et dicitur per totam Octavam, etiam in Festis infra eam occurrentibus, quæ Præfationem propriam non habeant.
Communio. Perv. 8, 34-35. Beàtus homo qui audit me, et qui vìgilat ad fores meas quotìdie, et obsérvat ad postes òstii mei. Qui me invéniet vitam, et hàurit salùtem a Dòmino, allelùja.
Fidéles tuos, Dòmine, custòdiant sumpta mystéria: et, Unigéniti tui Matre intercedénte, ab omni hujus sæculi corruptiòne eréptos, ad cælestem pàtriam felìciter perdùcant. Per eùndem Dòminum...
Et fit Commemoratio S. Fidelis, ut supra. Infra Octavam Missa dicitur ut in Festo, eum 2^ Oratione de Spiritu Sancto, et 3^ Ecclésiæ vel pro Papa.
Die 30 Aprilis
S. CATERINÆ SENENSIS
Virginis
Patronæ Primariæ totius Italiæ
In Missa Ss. Philippi et Jacobi App. fit Commemoratio diei Octavæ B. Mariæ Virg. de Bonaria, cum Orationibus e Missa de die.
Rispondi Citando
Originariamente Scritto da Ioannes Lucas
