Preghiere in latino. Orazioni in lingua latina.

[Umanista]

L'inno della sera

Te lucis ante términum,
Rerum Creátor, póscimus,
Ut pro tua cleméntia
Sis prǽsul et custódia.

Procul recédant sómnia,
Et nóctium phantásmata;
Hostémque nostrum cómprime,
Ne polluántur córpora.

Prǽsta, Pater piíssime,
Patríque compar Únice,
Cum Spíritu Paráclito
Regnans per omne sǽculum.

Amen.


Invocazione della sera

Vísita, quǽsumus, Dómine, habitatiónem istam, et omnes insídias inimíci ab ea longe repélle: Angeli tui sancti hábitent in ea, qui nos in pace custódiant; et benedíctio tua sit super nos semper. Per Christum Dóminum nostrum. Amen.


Il canto del riposo

Nunc dimíttis servum tuum, Dómine, secúndum verbum tuum in pace.
Quia vidérunt óculi mei salutáre tuum,
Quod parásti ante fáciem ómnium populórum,
Lumen ad revelatiónem géntium et glóriam plebis tuæ Ísraël.
Glória Patri.

[Umanista]

A Gesú crocifisso*

En ego, o bone et dulcíssime Iesu, ante conspéctum tuum génibus me provólvo, ac máximo ánimi ardóre te oro átque obtéstor, ut meum in cor vívidos fídei, spei et caritátis sensus átque veram peccatórum meórum pœniténtiam, eáque emendándi firmíssimam voluntátem velis imprímere; dum magno ánimi afféctu et dolóre tua quínque vúlnera mecum ipse consídero ac mente contémplor, illud præ óculis habens quod iam in ore ponébat tuo David prophéta de te, o bone Iesu: fodérunt manus meas et pedes meos, dinumeravérunt ómnia ossa mea.


*Indulgenza plenaria, se si recita dopo la Comunione davanti ad un'immagine di Gesú Cristo crocifisso, in un venerdí di Quaresima e del tempo di Passione. Indulgenza parziale, alle stesse condizioni, tutti gli altri giorni.

[Bernardo]

Gloria in excelsis Deo

Glória in excélsis Deo
Et in terra pax homínibus bonæ voluntátis.
Laudámus te, benedícimus te, adorámus te, glorificámus te,
Grátias ágimus tibi propter magnam glóriam tuam,
Dómine Deus, Rex cœléstis, Deus Pater omnípotens.
Dómine Fili Unigénite, Iesu Christe,
Dómine Deus, Agnus Dei, Fílius Patris:
Qui tollis peccáta mundi, miserére nobis;
Qui tollis peccáta mundi, súscipe deprecatiónem nostram,
Qui sedes ad déxteram Patris, miserére nobis.
Quóniam tu solus Sanctus, tu solus Dóminus, tu solus Altíssimus, Iesu Christe,
Cum Sancto Spíritu in glória Dei Patris. Amen.

[sion]

Litaniæ sacratissimi Cordis Domini nostri Iesu Christi

Kyrie, eleison. Kyrie, eléison.
Christe, eleison. Christe, eléison.
Kyrie, eleison. Kyrie, eléison.
Christe, áudi nos. Christe, áudi nos.
Christe, exáudi nos. Christe, exáudi nos.

Pater de cǽlis, Deus, miserere nobis.
Fili, Redémptor mundi, Deus, miserere nobis.
Spíritus Sancte, Deus, miserere nobis.
Sancta Trínitas, unus Deus, miserere nobis.

Cor Iesu, Fili Patris ætérni, miserere nobis.
Cor Iesu, in sinu Vírginis Matris a Spíritu Sancto formátum, miserere nobis.
Cor Iesu, Verbo Dei substantiáliter unítum, miserere nobis.
Cor Iesu, maiestátis infinítae, miserere nobis.
Cor Iesu, templum Dei sanctum, miserere nobis.
Cor Iesu, tabernáculum Altíssimi, miserere nobis.
Cor Iesu, domus Dei et porta cæli, miserere nobis.
Cor Iesu, fornax árdens charitátis, miserere nobis.
Cor Iesu, iustítiæ et amóris receptáculum, miserere nobis.
Cor Iesu, bonitáte et amore plenum, miserere nobis.
Cor Iesu, virtútum ómnium abíssus, miserere nobis.
Cor Iesu, ómni láude digníssimus, miserere nobis.
Cor Iesu, rex et centrum ómnium córdium, miserere nobis.
Cor Iesu, in quo sunt ómnes thesáuri sapiéntiæ et sciéntiæ, miserere nobis.
Cor Iesu, in quo hábitat ómnis plenitúdo divinitátis, miserere nobis.
Cor Iesu, in quo Pater sibi bene complácuit, miserere nobis.
Cor Iesu, de cúius plenitúdine ómnes nos accépimus, miserere nobis.
Cor Iesu, desidérium cóllium æternórum, miserere nobis.
Cor Iesu, pátiens et múltae misericórdiae, miserere nobis.
Cor Iesu, dives in omnes qui ínvocant te, miserere nobis.
Cor Iesu, fons vitæ et sanctitátis, miserere nobis.
Cor Iesu, propitiátio pro peccátis nostris, miserere nobis.
Cor Iesu, saturátum oppróbriis, miserere nobis.
Cor Iesu, attrítum propter scélera nostra, miserere nobis.
Cor Iesu, úsque ad mortem obédiens factum, miserere nobis.
Cor Iesu, láncea perforátum, miserere nobis.
Cor Iesu, fons totíus consolatiónis, miserere nobis.
Cor Iesu, vita et resurréctio nostra, miserere nobis.
Cor Iesu, pax et reconciliátio nostra, miserere nobis.
Cor Iesu, víctima peccatórum, miserere nobis.
Cor Iesu, salus in te sperántium, miserere nobis.
Cor Iesu, spes in te moriéntium, miserere nobis.
Cor Iesu, delíciæ sanctórum ómnium , miserere nobis.

Agnus Dei, qui tollis peccáta mundi, parce nobis, Dómine.
Agnus Dei, qui tollis peccáta mundi, exáudi nos, Dómine.
Agnus Dei, qui tollis peccáta mundi, miserére nobis.

Iésu, mitis et húmilis Corde. Fac cor nostrum secúndum Cor tuum.

Orémus. Omnípotens sempitérne Deus, réspice in Cor dilectíssimi Fílii tui, et in láudes et satisfactiónes quas in nómine peccatórum tibi persólvit, iísque misericórdiam tuam peténtibus tu véniam concéde placátus, in nómine eiúsdem Fílii tui Iésu Christi. Qui tecum vivit et regnat in sáecula saeculórum. Amen.

[Voce mea]

Lucis creator optime

Lucis Creátor óptime,
lucem diérum próferens,
primórdiis lucis novæ
mundi parans oríginem.

Qui mane iunctum vésperi
diem vocári prǽcipis:
tætrum chaos illábitur;
áudi preces cum flétibus.

Ne mens graváta crímine
vitæ sit exsul múnere,
dum nil perénne cógitat
seséque culpis ílligat.

Cælórum pulset íntimum,
vitále tollat prǽmium;
vitémus omne nóxium,
purgémus omne péssimum.

Præsta, Pater piíssime,
Patríque compar Unice,
cum spíritu Paráclito
regnans per omne sǽculum. Amen.

[Voce mea]

Inno alla Santa Croce da recitare (o cantare) il Venerdì Santo.

Vexilla regis

Vexílla regis pródeunt
fulget crucis mystérium,
quo carne carnis cónditor
suspénsus est patíbulo.

Quo, vulnerátus ínsuper
mucróne diro lánceæ,
ut nos laváret crímine,
manávit unda et sánguine.

Arbor décora et fúlgida,
ornáta regis púrpura,
elécta digno stípite
tam sancta membra tángere.

Beata, cúius bráchiis
sæcli pepéndit prétium;
statéra facta est córporis
prædam tulítque tártari.

Salve, ara, salve, víctima,
de passiónis glória,
qua vita mortem pértulit
et morte vitam réddidit!

O crux, ave, spes única!
Hoc passiónis tempore
piis ad auge grátiam
reísque dele crímina.

Te, fons salútis, Trínitas,
colláudet omnis spíritus;
quos per crucis mystérium
salvas, fove per sæcula. Amen.

[Clèopa]

Pange, lingua, gloriósi
Córporis mystérium,
Sanguinsque pretiosi,
Quem in mundi pretium
Fructus ventris generosi
Rex effudit gentium.
Nobis datus, nobis natus
Ex intacta Virgine,
Et in mundo conversatus,
Sparso verbi semine,
Sui moras incolatus
Miro clausit ordine.
In supremæ nocte cenæ
recumbens cum fratribus,
observata lege plene
cibis in legamibus,
Cibum turbæ duodenæ
se dat suis manibus
Verbum caro, panem verum
verbo carnem efficit:
fitque sanguis Christi merum,
et si sensus deficit,
ad firmandum cor sincerum
sola fides sufficit.
Tantum ergo sacramentum
veneremur cernui,
et antiquum documentum
novo cedat ritui;
præstet fides supplementum
sensuum defectui.
Genitori Genitoque
laus et iubilatio,
salus, honor, virtus quoque
sit et benedictio;
Procedenti ab utroque
compar sit laudatio. Amen.

[Luisa]

Ego propter te flagellávi Ægyptum cum primogénitis suis: et tu me flagellátum tradidísti.
Pópule meus, quid feci tibi? Aut in quo contristávi te? Respónde mihi!
Ego edúxi te de Ægypto, demérso Pharaóne in Mare Rubrum: et tu me tradidísti princípibus sacerdótum.
Pópule meus, quid feci tibi?...
Ego ante te apérui mare: et tu aperuísti láncea latus meum.
Pópule meus, quid feci tibi?...
Ego ante te præívi in colúmna nubis: et tu me duxísti ad prætórium Piláti.
Pópule meus, quid feci tibi?..
Ego te pavi manna per desértum: et tu me cecidísti álapis et flagéllis.
Pópule meus, quid feci tibi?...
Ego te potávi aqua salútis de petra: et tu me potásti felle et acéto.
Pópule meus, quid feci tibi?...
Ego propter te Chananæórum reges percússi: et tu percussísti arúndine caput meum.
Pópule meus, quid feci tibi?...
Ego dedi tibi sceptrum regále: et tu dedísti cápiti meo spíneam corónam.
Pópule meus, quid feci tibi?...
Ego te exaltávi magna virtúte: et tu me suspendísti in patíbulo Crucis.
Pópule meus, quid feci tibi?...

Hymnus

Crux fidélis, inter omnes arbor una nóbilis, Nulla talem silva profert, flore, fronde, gérmine!
Dulce lignum dulci clavo dulce pondus sústinens!
Pange, lingua, gloriósi pro´ lium certáminis, Et super crucis trop?o dic triúmphum nóbilem, Quáliter Redémptor orbis immolátus vícerit.
Crux fidélis…
De paréntis protoplásti fraude factor cóndolens, Quando pomi noxiális morte morsu córruit, Ipse lignum tunc notávit, damna ligni ut sólveret.
Dulce lignum…
Hoc opus nostræ salútis ordo depopóscerat, Multifórmis perditóris arte ut artem fálleret, Et medélam ferret inde, hostis unde læserat.
Crux fidélis…
Quando venit ergo sacri plenitúdo témporis, Missus est ab arce Patris Natus, orbis cónditor, Atque ventre virgináli carne factus pródiit.
Dulce lignum…
Vagit infans inter arta cónditus præse´ pia, Membra pannis involúta Virgo Mater álligat, Et manus pedésque et crura stricta cingit fáscia.
Crux fidélis…
Lustra sex qui iam perácta tempus implens córporis, se volénte, natus ad hoc, passióni déditus, agnus in crucis levátur immolándus stípite.
Dulce lignum…
En acétum, fel, arúndo, sputa, clavi, láncea; Mite corpus perforátur, sanguis, unda prófluit; Terra, pontus, astra, mundus quo lavántur flúmine!
Crux fidélis…
Flecte ramos, arbor alta, tensa laxa víscera, Et rigor lentéscat ille, quem dedit natívitas, Ut supérni membra Regis miti tendas stípite.
Dulce lignum…
Sola digna tu fuísti ferre sæcli prétium Atque portum præparáre nauta mundo náufrago, Quem sacer cruor perúnxit fusus Agni córpore.
Crux fidélis…
Æqua Patri Filióque, ínclito Paráclito, Sempitérna sit beátæ Trinitáti glória; cuius alma nos redémit atque servat grátia. Amen.

[Voce mea]

Metto il link ad un sito molto completo, dove chiunque ami pregare in lingua latina può trovare un valido supporto e molti spunti interessanti.

http://www.preces-latinae.org/index.htm

[Famulus Mariae]

Alma Redemptóris Mater,
Quæ pérvia cæli Porta manes, et stella maris,
succúrre cadénti,
súrgere qui curat, pópulo:
Tu Quæ genuísti,

natúra miránte,
Tuum Sanctum Genitórem,

Virgo prius ac postérius,
Gabriélis ab ore
sumens illud Ave, peccatórum miserére.