Missale Ambrosianum - Ordo Missae cum populo

[Cantore Inveruno]

SPECIMINA FORMULARUM PRO ORATIONE UNIVERSALI
6 TEMPORE PASCHALI

Admonitio prævia
In hoc pascháli gáudio, fratres caríssimi,
Deum instántius exorémus,
ut, qui preces supplicationésque dilécti Fílii sui propítius exaudívit,
humilitátem quoque nostram dignétur aspícere.

1. Pro nostrárum pastóribus animárum,
ut gregem ipsis a pastóre bono commíssum
régere váleant providénter,
Dóminum deprecémur.
R. Dómine, miserére.

2. Pro univérso mundo,
ut pace a Christo donáta veráciter perfruátur,
Dóminum deprecémur.
R. Dómine, miserére.

3. Pro frátribus nostris afflíctis,
ut eórum tristítia vertátur in gáudium,
quod nemo ab eis tóllere possit,
Dóminum deprecémur.
R. Dómine, miserére.

4. Pro congregatióne nostra,
ut testimónium resurrectiónis Christi
cum fidúcia magna perhíbeat,
Dóminum deprecémur.
R. Dómine, miserére.

Ritorna all'indice

[Cantore Inveruno]

SPECIMINA FORMULARUM PRO ORATIONE UNIVERSALI
7 TEMPORE «PER ANNUM» (I)

Admonitio prævia
In unum congregáti, fratres caríssimi,
ad Dei nostri benefícia recolénda,
rogémus eum, ut ipse nobis vota subíciat,
quæ digne possit audíre.

1. Pro Pontífice nostro N. et antístite nostro N. et omni clero
cum pópulo ipsórum gubernáculis commendáto,
Dóminum deprecémur.
R. Dómine, miserére.

2. Pro moderatóribus rerum publicárum eorúmque minístris
bonum commúne curántibus,
Dóminum deprecémur.
R. Dómine, miserére.

3. Pro navigántibus, iter agéntibus,
et captívis vel in carcéribus custodítis,
Dóminum deprecémur.
R. Dómine, miserére.

4. Pro nobis ómnibus
fide, devotióne et Dei dilectióne
in hac aula sacratíssima congregátis
Dóminum deprecémur.
R. Dómine, miserére.

7 TEMPORE «PER ANNUM» (II)

Admonitio prævia
Omnes huc convénimus, fratres caríssimi,
ad redemptiónis nostræ recolénda mystéria;
rogémus ergo Deum omnipoténtem,
ut mundus univérsus
his totíus benedictiónis et vitæ fóntibus irrigétur.

1. Pro ómnibus qui seípsos Deo vovérunt,
ut, ipso adiuvánte, propósitum suum in fidelitáte custódiant,
Dóminum exorémus.
R. Dómine, miserére.

2. Pro pace géntium,
ut, omni perturbatióne remóta,
líberis ipsi méntibus pópuli servíre mereántur,
Dóminum exorémus.
R. Dómine, miserére.

3. Pro sénibus, qui solitúdine vel infirmitáte labórant,
ut fratérna nostra caritáte firméntur,
Dóminum exorémus.
R. Dómine, miserére.

4. Pro nobis hic congregátis,
ut sic sciámus bonis uti præséntibus,
quibus nos Deus fovére non désinit,
ut iam possímus inhærére perpétuis,
Dóminum exorémus.
R. Dómine, miserére.

Ritorna all'indice

[Cantore Inveruno]

SPECIMINA FORMULARUM PRO ORATIONE UNIVERSALI
8 IN MISSIS DEFUNCTORUM

Admonitio prævia
Deum Patrem omnipoténtem,
qui Christum Fílium suum suscitávit a mórtuis,
pro salúte vivórum atque mortuórum fidéliter invocémus.

1. Ut pópulum christiánum in fide et unitáte stabíliat,
Dóminum deprecémur.
R. Dómine, miserére.

2. Ut ab omni bellórum nequítia orbem éruat univérsum,
Dóminum deprecémur.
R. Dómine, miserére.

3. Ut frátribus qui carent ópere, victu vel tecto,
se patrem dignétur osténdere,
Dóminum deprecémur.
R. Dómine, miserére.

4a. Ut huic defúncto N.,
qui olim per Baptísmum ætérnæ vitæ semen accépit,
perpétuam velit societátem donáre sanctórum,
Dóminum deprecémur.
R. Dómine, miserére.

4b. Ut eum, qui manducávit corpus Christi,
panem vitæ ætérnæ,
resúscitet in novíssimo die,
Dóminum deprecémur.
R. Dómine, miserére.

(Vel pro presbytero):

Ut eum, qui in Ecclésia sacerdótii munus exércuit,
fáciat cæléstis partícipem liturgíæ,
Dóminum deprecémur.
R. Dómine, miserére.

4c. Ut animábus fratrum, propinquórum
et benefactórum nostrórum
mercédem labóris attríbuat,
Dóminum deprecémur.
R. Dómine, miserére.

4d. Ut omnes, qui dormiérunt in spe resurrectiónis,
in lúmine sui vultus accípiat,
Dóminum deprecémur.
R. Dómine, miserére.

4e. Ut fratres nostros, qui in afflictióne versántur,
ádiuvet et propítius consolétur,
Dóminum deprecémur.
R. Dómine, miserére.

4f. Ut omnes, qui huc in fide et devotióne convenérunt,
in gloriósum suum regnum congregáre dignétur,
Dóminum deprecémur.
R. Dómine, miserére.

Ritorna all'indice

[Cantore Inveruno]

ANNUNTIATIO PASCHÆ IN EPIPHANIA DOMINI

Nóverit cáritas vestra, fratres carìssimi, quod annuénte Dei et Dómini nostri Iesu Christi misericórdia, die ... mensis ... (aprílis vel mártii) Pascha Dómini cum gáudio celebrábimus.
R. Deo grátias.

Ritorna all'indice